Теңіздегі төбелес бойынша бірнеше қылмыстық іс қозғалды
![Lada.kz, сурет - Zakon.kz жаңалық 03.07.2019 20:28](https://kaz.zakon.kz/pbi/WEBP/2023-12-20/file-ea056287-3661-4f5a-974b-19c07e60955e/800x452.webp)
Бірқатар күдікті бар, олардың әрқайсысының әрекетіне құқықтық баға беріледі.
ҚР Ішкі істер министрі Ерлан Тұрғымбаев Теңіздегі жағдайға байланысты бірнеше қылмыстық іс қозғалғанын айтты, деп хабарлайды Zakon.kz тілшісі.
– Дене жарақатын салу мен бұзақылық бойынша бірнеше қылмыстық іс қозғалды, – деді ол.
Оның сөзінше, әрбір қылмыс құрамы бойынша нақты қатысушылар бар.
– Бір күдікті ұсталды, тағы бірнеше адам күдіктілер тізімінде бар. Әрқайсысының жауапкершілігі қатысуына байланысты анықталады, – деп нақтылады министр.
– Қанша адам жауапқа тартылады?
– Нақты қанша адам екенін әзірге айта алмаймын. Тергеу аяқталған соң айтамын.
– Теңізде полицейлердің араласуымен шетелдіктерді әкетіп жатқан видео жүр. Ол рас па?
– Ешкімді әлі әкеткен жоқ, олар жұмыс істеп жатыр.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript