"Qazsport" көрсетеді. Бүгін "Ордабасы" мен "Қайрат" Еуропа лигасында сынға түседі
![Чемпионат, сурет - Zakon.kz жаңалық 11.07.2019 22:17](https://kaz.zakon.kz/pbi/WEBP/2023-12-20/file-61e328ff-76c9-4c23-a6fa-b1b0029d2344/800x452.webp)
Алматының "Қайраты" Еуропа лигасының алғашқы іріктеу раундында сырт алаңда босниялық "Широки Бриег" клубымен кездеседі, деп хабарлайды Zakon.kz.
Кездесу Нұр-Сұлтан уақытымен түнгі 01:00 басталады. Ойынды "Qazsport" телеарнасы тікелей эфирден көрсетуді жоспарлап отыр.
Матч Широки Бриег деген қаладағы 10 мың көрермен сиятын "Пецара" стадионында өтеді, деп жазады sports.kz.
Төрешілер – румыниялық бригада, бас төреші Себастьян Колтеску, оның көмекшілері Себастьян Георге мен Даниэл Митруци.
Бүгін сондай-ақ Еуропа лигасының алғашқы іріктеу кезеңінде шымкенттік "Ордабасы" өз алаңында Грузияның Кутаисиінен келген "Торпедоны" қабылдайды.
Бұл кездесу сағат 20:00-де басталады, оны да "Qazsport" телеарнасы көрсетеді.