Жемқорлыққа қарсы агенттіктің департамент басшылары тағайындалды
![Ашық дереккөздерден алынды, сурет - Zakon.kz жаңалық 25.07.2019 23:48](https://kaz.zakon.kz/pbi/WEBP/2023-12-20/file-168afb4d-cdf1-4ed7-8b8a-2b7704381d0a/800x452.webp)
ҚР Сыбайлас жемқорлыққа қарсы іс-қимыл агенттігінің еліміздегі екі ірі мегополисіндегі басшысы тағайындалды, деп хабарлайды Zakon.kz осы агенттіктің баспасөз қызметіне сілтеме жасап.
Нұр-Сұлтан қаласы бойынша департамент басшысы болып ұлттық қауіпсіздік генерал-майор Нұрлан Сұлтанұлы Қыдырбаев бекітілді.
Ол алдында Солтүстік Қазақстан облысы бойынша ҰҚКД бастығы, Ақтөбе облысы бойынша ҰҚКД бастығы сынды лауазымды қызметтерді атқарған.
ҚР Сыбайлас жемқорлыққа қарсы іс-қимыл агенттігінің Алматы қаласы бойынша департаментінің басшысы болып Қайрат Имәтұлы Сөнтаев бекітілді.
Ол 1961 жылы 7 мамырда Павлодар облысында дүниеге келген. 1981-1983 жылдары КСРО Қарулы күштерінде әскери қызметін атқарған. 1992 жылы Киров атындағы Қазақ Мемлекеттік университетін бітірген.