Тоқаев Бас прокурорға түрмедегілерді қинау дерегін жіті тексеруді тапсырды
Ақорда
Мұндай бассыздыққа енді жол бермеу керек.
Президент Қасым-Жомарт Тоқаев Алматы облысындағы түзеу мекемесінде болған оқиғаны өз назарына алды, деп хабарлайды Zakon.kz.
"Алматы облысы Заречное ауылындағы түзету мекемесінде жазасын өтеушілерді азаптау деректеріне қатысты Бас прокурорға жан-жақты тергеу жүргізуді тапсырдым. Түзету мекемесінің 5 қызметкері ұсталды, бірқатары жұмыстан босатылды. ҚР ІІМ-не түзеу мекемесін жаңартып, жаңғырту тапсырылды. Мұндай жайттар қайталанбас үшін азаматтық бақылауды күшейту қажет", деп жазды Президент Тwitter-де.
Айта кетсек, 26 шілдеде әлеуметтік желілерде тұтқындарды ұрып-соғып жатқан видео тараған. 29 шілдеде қызметтік тергеу нәтижелері бойынша Тәртіптік комиссияның шешімімен мекеменің 7 қызметкері жұмыстан босатылды. Атап айтқанда, түрме басшысы мен оның екі орынбасары жұмысынан алынды. Оларды ендігәрі ішкі істер органы жұмысына жолатпау бұйырылды. Сондай-ақ түзету мекемесінің облыстық басшысы да қатаң тәртіптік жауапкершілікке тартылды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
