Атамбаевтың шаруасы тынады. Милиция үйіне тағы ірі шабуыл бастады
![АКИpress, сурет - Zakon.kz жаңалық 08.08.2019 23:07](https://kaz.zakon.kz/pbi/WEBP/2023-12-20/file-d318c21c-b254-4edd-aa6d-b84283c5807e/800x452.webp)
Атамбаевтың үйін басып алу үшін екінші штурм басталды, деп жазады akipress.
Басылым хабарлағандай, сағат 16.20-да Атамбаевтың үйінде болған 500-дей адам Беш-Күнгей жаққа жылжыды. Олардың қолдарында қару жоқ, тек тас пен таяқ ұстаған.
Ал 16.23-те арнайы жасақ қайтадан шабуылға кірісті. Милиция Атамбаевтың үйіне граната лақтырды.
РИА Новости жеткізгендей, Атамбаевтың штабы экс-президентті жақтаушылар мен қарулы күштер арасында жаңа қақтығыс басталғанын мәлім етті. Атамбаевтың жақтастары Бішкектегі митингті тоқтатып, Қой-Ташқа қарай келе жатыр.
Қырғызстанның бұрынғы президентін жақтайтын Фарид Ниязов Алмазбек Атамбаевтың үйіне екінші шабуыл басталғанын растады.
- Атыс естілді. Гранаталар жарылып жатты, — деді ол.
Жарақат алғандар туралы Фарид Ниязов ештеңе айтпады.