Әкіжанов Садық ҚР Премьер-министрінің кеңесшісі – баспасөз хатшысы болып тағайындалды
Баспасөз қызметі
Әкіжанов Садық ҚР Премьер-министрінің кеңесшісі – баспасөз хатшысы болып тағайындалды, деп хабарлайды Zakon.kz Үкіметтің ресми сайтына сілтеме жасап.
"ҚР Премьер-министрі кеңсесінің штаттық кестесіне өзгерістер енгізілді. ҚР Премьер-министрінің баспасөз қызметінің басшысы – баспасөз хатшысы лауазымы енді ҚР Премьер-министрінің баспасөз қызметінің басшысы және ҚР Премьер-Министрінің кеңесшісі – баспасөз хатшысы деген лауазымдарға бөлінді" делінеді хабарламада.
Садық Әкіжанов 1984 жылы Павлодар қаласында туған. Әл-Фараби атындағы Қазақ ұлттық университетін журналистика мамандығы бойынша тәмамдаған.
Еңбек жолын 2006 жылы бастаған. Түрлі жылдары ҚР Президенті мәдениет орталығының "Президенттік институтының" ғылыми қызметкері (Астана қ.), ҚР Қоршаған ортаны қорғау министрлігінің Экологиялық саясат және тұрақты даму департаментінің бас сарапшысы, "ҚР Экологиялық аудиторлары ұлттық палатасы" кәсіби аудиторлық ұйымының экономикалық мәселелер және БАҚ-пен байланыс жөніндегі менеджері, "ҚазАқпарат" ХАА тілшісі қызметтерін атқарды.
2014 жылғы қыркүйек айынан бастап қазіргі дейін "ҚазАқпарат" ХАА Бейжің қаласындағы тілшілер қосынын басқарды, Шанхай ынтымақтастық ұйымының баспасөз клубының вице-президенті болып сайланды. "Ақпарат саласының үздігі" төсбелгісімен марапатталған. Қазақ, орыс, ағылшын және қытай тілдерін меңгерген.
