Жаңалықтар тізбегі
0

ҚР Кәсіподақтар федерациясының жаңа төрағасы сайланды

ҚР Кәсіподақтар федерациясының баспасөз қызметі ҚР Кәсіподақтар федерациясының баспасөз қызметі
Ералы Тоғжанов ҚР Кәсіподақтар федерациясының жаңа төрағасы болып сайланды.

16 қыркүйекте Нұр-Сұлтан қаласында ҚР Кәсіподақтар федерациясында Бас кеңестің отырысы өтті, деп хабарлайды Zakon.kz федерацияның баспасөз қызметіне сілтеме жасап.

Бас кеңестің отырысында ҚРКФ басшысы Бақытжан Әбдірайым басқа қызметке ауысуына байланысты ҚР Кәсіподақтар федерациясының Төрағасы өкілеттігін тоқтатты.

Бақытжан Әбдірайым қазақстандықтардың әл-ауқатын дамыту жолында қоян-қолтық жұмыс істеген әріптестеріне ерен еңбектері мен артқан сенімдері, қолдаулары үшін алғыс айта отырып, Кәсіподақтар федерациясы халықтың әл-ауқатын нығайтуға және Еңбек адамының өмір сүру сапасын арттыру үшін жаңа мүмкіндіктер қалыптастыруға бағытталған жұмыстардың басы-қасында болатындығын жеткізді.

Осы жылдар ішінде Кәсіподақтар федерациясы уақыт талаптарына сай үйлесімді қадамдар жасады, жұмысшылардың еңбек құқықтары мен мүдделерін қорғау жолында бірқатар іс-шаралар атқарды. Бұл, өз кезегінде, кәсіподақтар қозғалысына жаңа леп беріп, әлеуметтік-еңбек саласының өзекті бағыттары бойынша жаңа деңгейге шығуға мүмкіндік берді.

Елбасы Нұрсұлтан Назарбаев ҚРКФ кезектен тыс XXV съезінде кәсіподақтардың жетістіктерін жоғары бағалап, Кәсіподақтар федерациясы қазақстандықтарды Төртінші өнеркәсіптік революцияның жаңа шарттарына әлеуметтік бейімдеу үшін қозғаушы күш болуы тиістігін атап өткен болатын.

Бас кеңестің мүшелері ҚРКФ төрағасы лауазымына 2 кандидатураны - белгілі қоғам және саяси қайраткер Ералы Тоғжановтың және "Қазақстандық теміржол, автокөлік, әуе және су көлігі қызметкерлерінің салалық кәсіподағы" ҚБ төрағасы Оразғали Ахметбаевтың кандидатурасын ұсынды.

ҚР Кәсіподақтар федерациясының Жарғысына сәйкес балама негізде өткен дауыс беру нәтижесінде Ералы Тоғжанов ҚР Кәсіподақтар федерациясының төрағасы болып сайланды.

Ералы Лұқпанұлы Тоғжанов әр жылдары Қазақстан халқы Ассамблеясы төрағасының орынбасары, Қазақстан Республикасы Әділет министрлігі Дін істер комитетінің төрағасы лауазымдарында, сондай-ақ, республикамыздың бірнеше өңірлерінде басшылық қызметтер атқарды.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: