FIFA әлемнің үздік футболшысын атады
FIFA
Италияның Милан қаласында FIFA нұсқасы бойынша әлем үздіктері анықталды, деп жазады Prosports.kz.
"Ла Скала" опера театрына футбол әлемінің беделді тұлғалары жиналды. Футболсүйер қауым сол жерге көз тіккен.
Биылғы жылдың үздіктері кім? Осы сұрақтың жауабын білмекке жиналған дүйім жұрт ең мықты футболшылардың кімдер екенін естіді. Маусымның үздік голы мен ең үздік жанкүйерлер де осы жерде анықталды. Олай болса төмендегі кіл мықтылардың тізімін назарларыңызға ұсынамыз.
Ең үздік ойыншы: Лионель Месси (Аргентина, "Барселона")
Үздік қақпашы (ерлер): Алиссон (Бразилия, "Ливерпуль")
Үздік жаттықтырушы (ерлер футболы): Юрген Клопп (Германия, "Ливерпуль")
Үздік ойыншы (әйелдер): Меган Рапино (АҚШ, "Сиэттл Рейн")
Үздік қақпашы (әйелдер): Сари ван Венендал (Нидерланд, "Арсенал" / "Атлетико" М)
Үздік жаттықтырушы (әйелдер футболы): Жиль Эллис (Англия, АҚШ құрамасы)
Ең әдемі гол (Пушкаш жүлдесі): Даниэль Жори (Венгрия, "Ференцварош" қақпасына соққан голы)
