Жаңалықтар тізбегі
0

Мәскеу мүфтиі Ресейде көп әйел алуды заңдастырайық деді

© Агентство городских новостей "Москва" / Андрей Любимов © Агентство городских новостей "Москва" / Андрей Любимов
Көп әйелін асырауға екінің бірінің күйі келмейді, күйін тексеріп барып рұқсат берейік, дейді Ильдар Аляутдинов.

Ресейде еркек аздау, әйелдер көп. Содан туындап отырған көптеген әлеуметтік мәселелерді шешу үшін көп әйел алуды заңдастырып жіберейік, деп мәлімдеді Мәскеу Мүфтиі Ильдар Аляутдинов, деп хабарлайды РИА Новости.

Бұған дейін Ресей мұсылмандары діни басқармасының басшысы шейх Равиль Гайнутдин да елдің мұсылман аймақтарында көп әйел алуды заңдастыруды орынды деп санайтынын айтқан. Оның айтуынша, заңды полигамия "40 көңілдесіне барып, одан туған балаларына бас қатырмайтын" қазіргі еркектерді сабасына түсіреді.

- Мен көп әйел алуды заңдастыру қажет деп санаймын. Бұл дұрыс нәрсе, оған кейбір діндер, оның ішінде ислам діні де рұқсат береді, - дейді Аляутдинов.

Мүфти Ресейдегі әйелдердің саны еркектерден асып түсетінін ескеруге шақырды – Росстат дерегінше, елдегі әйелден саны еркектерден 10 млн адамға артық. Сонымен қатар, Ресейде "ажырасқан, немесе жесір әйелдер проблемасы" көптеп кездеседі. Оның үстіне, Татарстан, Шешенстан, Дағыстан сияқты өңірлерде онсыз да үндемей жүріп көп әйел алып алған адамдар бар, - деді ол.

- Көп әйел алуды заңдастыру – әйел құқығының сақталуына кепіл болады. Әлеуметтік тұрғыдан алғанда, қазір әйелдер мүлдем қорғалмаған. Мұсылмандар Шариғатты ұстанатынына қарамастан, еліміздегі азаматтық-құқықтық қатынастар Ресей заңдарымен реттеледі. Сондықтан әйелдер толыққанды, тең құқылы екінші әйел бола алатындай етіп, заңнамалық деңгейде қорғау тетіктерін құру керек, бұл көптеген әлеуметтік мәселелерді шешуге көмектеседі. Сонымен қатар, зинақорлық азаяр еді, - деді Ильдар Аляутдинов.

Ол бұл мәселені тек ислам заңдарын қатты білетін сарапшылар мен құзырлы органдардың бірлесе қарастыруы қажет екенін атап өтті.

- Көп әйел алу – өте күрделі жүйе, онда әрбір ерлі-зайыптының құқықтарын ғана емес, сонымен бірге әрбір адамның жеке міндеттерін де ескеру қажет. Бұл жағдайда еркекке үлкен жауапкершілік жүктеледі: қаржылық қолдау, бос уақытын әйелдеріне теңдей бөлу, бала тәрбиесі және т.б. Сондықтан көп әйел алғысы келетін әр еркектің жағдайын жеке-дара қарастырған жөн, өмірдің түрлі жағдайларын ескеріп, неке рәсімдеудің барлық талаптары бірден көрсетілуі керек, - деп түйіндеді ол.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: