Елбасы Жапония императорына көңіл айтып, жеделхат жолдады
Ақорда
Зардап шеккендердің тезірек сауығып, отбасыларына оралуына тілектеспін
Елбасы Жапонияның Императоры Нарухитоға көңіл айту жеделхатын жолдады, деп хабарлайды Zakon.kz Елбасы сайтына сілтеме жасап.
Нұрсұлтан Назарбаев табиғат апаты мен нөсерлі жаңбыр салдарынан көптеген адамның қаза тапқаны және зардап шеккені туралы хабарды зор күйзеліспен қабылдады.
"Сізге, сондай-ақ қаза болғандардың туыстары мен жақындарына көңіл айтып, қайғыға ортақтастығымды білдіремін. Зардап шеккендердің тезірек сауығып, отбасыларына оралуына тілектеспін", - делінген жеделхатта.
12 қазанда Жапонияның көп бөлігінде дауыл тұрып, қатты жаңбыр жауды. Салдарынан 39 адам көз жұмып, 200-ге жуық адам зардап шекті. Тайфунды "Хагибис" деп атады және оны метеорологтар 1958 жылғы "Каногава" алапат тайфунымен салыстырды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
