Президент бірқатар әскери сотты таратып, қайта ықшамдады
![Ақорда, сурет - Zakon.kz жаңалық 23.10.2019 16:52](https://kaz.zakon.kz/pbi/WEBP/2023-12-20/file-f2b363dc-1fa6-4424-820d-e5d0c518c185/800x452.webp)
Мемлекет басшысының 2019 жылғы 15 қазандағы Жарлығымен Қазақстан Республикасы гарнизондарының кейбір әскери соттары ықшамдалды, деп хабарлайды Zakon.kz Әскери соттың баспасөз қызметіне сілтеме жасап.
Сонымен таратылғандары:
Маңғыстау облысы Ақтау гарнизонының әскери соты;
Қарағанды облысының Қарағанды гарнизонының әскери соты;
Қостанай облысының Қостанай гарнизонының әскери соты;
Алматы облысы Талдықорған гарнизонының әскери соты;
Шығыс Қазақстан облысы Өскемен гарнизонының әскери соты.
Жарлық өз күшіне енді.
Әскери сот таратылғандардың құзіреті кімге жүктелгенін де нақтылады:
- Маңғыстау облысының Ақтау гарнизонының әскери соты Ақтөбе гарнизонының әскери сотына;
- Қарағанды облысы Қарағанды гарнизонының әскери соты мен Қостанай облысының Қостанай гарнизонының әскери соты Ақмола гарнизонының әскери сотына жатады;
- Алматы облысы Талдықорған гарнизонының әскери соты Алматы гарнизонының әскери сотына;
- Шығыс Қазақстан облысы Өскемен гарнизонының әскери соты Семей гарнизонының әскери сотына жатады.