Шымкент пен Жетісайда әкімдікте жұмыс істейтін екі басшы парамен ұсталды
zakon.kz
2019 жылғы 23 қазанда еліміздің бірқатар өңірлерінде сыбайлас жемқорлық қылмыстарын жасау күдігі бойынша әкімдіктіктің, соның ішінде басшы құрам қызметкерлері әшкереленді, деп хабарлайды Zakon.kz.
Шымкент қаласының сыбайлас жемқорлыққа қарсы қызметімен сауда жасауға рұқсат беру және кәсіпкерлік қызметке жалпы қамқорлық жасау үшін азаматтан жалпы сомасы 65 мың теңге алу күдігі бойынша Әл-Фараби ауданы әкімдігінің кәсіпкерлік бөлімінің басшысына қатысты сотқа дейінгі тергеу басталды.
Осыған ұқсас қылмыс жасағаны үшін Түркістан облысы Жетісай ауданы Қызылқұм селолық округының әкімі күдікті болды.
Ол жеке тұрғын үй құрылысына жер телімін беру үшін азаматтан 500 мың теңге сомасында пара алды деген күдікке ілінді.
Сотқа дейінгі тергеу жалғасуда.
Күдіктілерге қатысты соңғы шешімді олардың кінәлілігінің деңгейін анықтай отырып, сот шығарады.
