Өзбекстан халқының саны 33,7 миллионнан асты

Өзбекстан халқының саны 1 қазанға дейінгі есеп бойынша 33 миллион 724 мың адамға жетті, деп хабарлайды Zakon.kz Азаттыққа сілтеме жасап.

Қалада - 17 миллион 34 мың адам (50,5 пайыз), ауылдық жерлерде 16,6 миллион (49,5 пайыз) адам тұрып жатыр.

Бұл деректі Өзбекстанның мемлекеттік статистика комитеті хабарлады.

Халық көп шоғырланған аймақтарға Самарқанд облысы (жалпы халық санының 11,4 пайызы тұрады), Ферғана облысы (11,1 пайыз), Қашқадария (9,7 пайыз) және Әндіжан облысы (9,2 пайыз) жатады.

"2019 жылдың 1 қазанына дейінгі есеп бойынша, тұрғындардың 30,5 пайызы еңбек ететін жасқа жетпеген, 59,1 пайызы еңбек ететін жаста және 10,4 пайызы еңбек ететін жастан өтіп кеткен" делінген комитет есебінде.

Өзбекстан Орталық Азия аймағында халық саны жағынан бірінші орында тұр. 1991 жылы халық саны 20 миллионнан асқан.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021