Қарағанды облысы полиция департаменті бастығының екі орынбасары жаңадан тағайындалды
Қарағанды облыстық полиция департаменті
Қарағанды полиция департаментінде кадрлық ауыс-түйіс болды, деп хабарлайды Zakon.kz аймақтық полиция департаментінің баспасөз қызметіне сілтеме жасап.
ҚР Ішкі істер министрі, полиция генерал-лейтенанты Ерлан Тұрғымбаевтың бұйрығымен Қарағанды облысы полиция департаменті бастығының екі орынбасары тағайындалды.
Арнайы жинында Қарағанды облыстық полиция департаментінің бастығы, полиция полковнигі Ерлан Файзуллин жеке құрамды полиция полковнигінің жедел жұмыс жөніндегі орынбасары Мұсаев Даниярбек Үметайұлы және жалпы мәселелер жөніндегі орынбасары - полиция полковнигі Тарасенко Александр Ивановичпен таныстырды.
Полиция полковнигі Мұсаев Даниярбек Үметайұлы 1965 жылы Жамбыл облысында дүниеге келген. Ол полицияда 1986 жылдан бастап жұмыс істейді. 1986-1996 жылдары Жамбыл облысы Ішкі істер департаментінде түрлі қызметтер атқарды, соның ішінде Жамбыл облысы Ішкі істер басқармасы бастығының орынбасары болып жұмыс істеген. 2005 - 2010 жылдары аралығында Көліктегі Оңтүстік-Шығыс Ішкі істер департаментінің бірінші орынбасары, 2010 - 2013 жылдары ҚР ІІМ-нің Алматы академиясы бастығының оқу ісі жөніндегі орынбасары болды. Қарағанды облысы полиция басқармасы бастығының орынбасары қызметіне тағайындалғанға дейін полиция полковнигі Мұсаев ҚР ІІМ Көлік полициясы департаменті бастығының орынбасары қызметін атқарды.
Полиция полковнигі Александр Иванович Тарасенко 1967 жылы Қостанай облысында дүниеге келген. Ішкі істер органдарында 26 жылдан астам уақыт қызмет еткен. Ол 1993 жылы Қостанай облысы Науырзым аудандық ішкі істер бөлімінің жол қозғалысы мемлекеттік инспекторы ретінде бастады. 1993 - 2012 жылдар аралығында Қостанай облысы ішкі істер департаментінің әртүрлі лауазымдарында жұмыс істеді. 2012 жылдан 2017 жылға дейін Қостанай облысы Ішкі істер департаменті бастығының орынбасары болды. Қарағанды облыстық полиция басқармасы бастығының орынбасары болып тағайындалғанға дейін полиция полковнигі Тарасенко ҚР ІІМ Қылмыстық-атқару жүйесі комитеті төрағасының орынбасары болып жұмыс істеді.
Полиция департаментінің бастығы Ерлан Файзуллин өз орынбасарларына жұмыста сәттілік тіледі.
