Үш жыл қамауда отырған қазақ ғалымына тағылған айып заңсыз деп танылды

Жоғары сот "Қазатомөнеркәсіптің" ақшасын жымқырды" деп айыпталып, 80 миллион теңге төлеу талап етіліп, үш жарым жылға бас бостандығынан айырылған белгілі қазақстандық ғалым Ғалымжан Мамытбековті ақтап шықты, деп хабарлайды zakon.kz КТК телеарнасына сілтеме жасап

Сот өткен жылы бұл істі қайта қарап, Мамытбековті бәрібір ақтап шыққан.

Негізі, прокурорлар бұл шешімге төрт рет наразылығын білдірді. Ал бүгін Жоғары сотта қаралған бесінші шағым соңғысы болды. Бұл жолы тағы да прокурорлар жеңіліс тапты. Сот алқасы Мамытбековке тағылған айып жалған, куәгерлердің жаласы да қисынсыз деп санайды. Енді химик-профессор заңсыз үкімнің кесірінен отырып шыққан үш жылына өтемақы талап етемін деп отыр.

Ғалымжан Мамытбеков, ғалым:

- Прокурордың шағымы келгенде, "неге кетіп қалмадым" деген менде өкініш болды. Шетелге жақсы өмір сүру үшін емес, зерттеуші-ғалым ретінде өзімді дамытуға барғым келген. Енді мен елімізде толыққанды ғылыми жұмыстарға араласатыныма сенімді емеспін.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021