23 желтоқсанға арналған ауа-райы болжамы: тұман, көктайғақ, боран
Ашық дерекөздерден алынды
Синоптиктер 23 желтоқсанға арналған ауа-райы болжамын жариялап, бес облысқа қатысты ескерту жариялады, деп хабарлайды zakon.kz.
Солтүстіктен келген циклонның беті қайтып, батыс пен оңтүстік-батыста жауын-шашын кілт тоқтайды, ал қалған өңірлерде қар әлі де түсе береді деп болжайды Қазгидромет.
Сондай-ақ 23 желтоқсанда Шығыс Қазақстан облысында қар жауады. Кей жерлерде - боран, тұман, көктайғақ болады. Оңтүстік-батыстан 15-20 м/с жел соғады, дауыл болады.
Ақмола облысының кей жерлерінде 23 желтоқсанда қар жауып, тұман түседі. Солтүстік-батыстан қатты жел соғады.
Көкшетауда 23 желтоқсанда тұман мен боран күтіледі. Дауыл болу ықтималдығы 85-90% құрайды.
23-25 желтоқсанда Қызылорда облысының кей жерлерінде тұман түседі. Дауыл соғады.
23 желтоқсанда Солтүстік Қазақстан облысының кей жерлерінде қар жауады. Күндізгі жел батыстан, оңтүстік-батыстан 15-20 м/с шамасында соғуы мүмкін. Дауылдың болуы 90-95% ықтимал.
Дүйсенбі күні Нұр-Сұлтанда қар жауады, сынап бағаны 14 градус Сельсиге дейін төмендейді.
Алматыда күн ашық, ауа-температурасы 8 градус суық.
