ҚР цифрлық даму, инновациялар және аэроғарыш өнеркәсібі вице-министрі жаңадан тағайындалды
![primeminister.kz, сурет - Zakon.kz жаңалық 30.12.2019 17:28](https://kaz.zakon.kz/pbi/WEBP/2023-12-20/file-d8bb6064-859d-4cd3-9130-ee6ece5d0396/800x452.webp)
ҚР Үкіметінің Қаулысымен Азамат Байқуанышұлы Батырқожа ҚР цифрлық даму, инновациялар және аэроғарыш өнеркәсібі вице-министрі лауазымына тағайындалды, деп хабарлайды zakon.kz Үкіметтің баспасөз қызметіне сілтеме жасап.
Азамат Батырқожа 1972 жылы Солтүстік Қазақстан облысында дүниеге келген. Ф. Дзержинский атындағы әскери академияны және "Тұран-Астана" университетін тәмамдаған.
Еңбек жолын 1995 жылы бастаған. Түрлі жылдары корпоративтік секторда, ҚР Көлік және коммуникациялар министрлігінде, ҚР Ұлттық банкінде, "Қазақтелеком" АҚ-да, Л. Гумилев атындағы ЕҰУ-де, ҚР Индустрия және жаңа технологиялар министрлігінде, ҚР Премьер-Министрінің Кеңсесінде, ҚР Білім және ғылым министрлігінде, "Самұрық-Қазына" тұрақты даму қорында жұмыс істеген.
2015-2017 жылдары —ҚР ИДМ Технологиялық және инновациялық даму департаментінің директоры.
2018-2019 жылдары — "Қазақстан Ғарыш Сапары" ҰК» АҚ президенті.
2019 жылдың ақпан айынан бастап желтоқсанға дейін "Қазақстан Ғарыш Сапары" ҰК" АҚ Басқарма төрағасы қызметін атқарды.