Президент Тоқаевтың инста-парақшасына 1 млн адам жазылды
![Ақорда, сурет - Zakon.kz жаңалық 08.01.2020 18:05](https://kaz.zakon.kz/pbi/WEBP/2023-12-20/file-a00e5c82-8fc5-45e6-b4d4-91e3a527e121/800x452.webp)
tokayev_online парақшасы осы уақытқа дейін 60 пост жариялапты.
ҚР Президенті Қасым-Жомарт Тоқаевтың атынан Instagram желісінде ашылған парақшаның жазылушылары саны 1 млн-ға жетті, деп хабарлайды zakon.kz.
Бұл жетістікті мақтан етіп, болған жайдың скриншотын өз парақшасына Президенттің баспасөз хатшысы Берік Уәли салып қойды.
Айта кетерлігі, tokayev_online парақшасы осы уақытқа дейін 60 пост жариялапты. Өзі ешкімнің парақшасына жазылмапты.
- Қасым-Жомарт Тоқаевтың негізгі саяси ұстанымдарының бірі – ашықтық және қоғаммен тығыз қарым-қатынас орнату. Президент "халық үніне құлақ асатын мемлекет" концепциясын іске асыру барысында халықпен тікелей байланысқа ерекше көңіл бөледі. Тұрғындардың өтініш-тілектерін дер кезінде қарау үшін Қазақстан Президентінің Виртуалды қабылдауы ашылды. Бүгінде оған 6673 өтініш келіп түскен.
Қасым-Жомарт Тоқаев брифингтер мен баспасөз мәслихаттарын жиі өткізіп, отандық және шетелдік БАҚ-қа сұхбат беріп тұрады. Сонымен қатар Twitter және Instagram секілді әлеуметтік желілерді белсенді қолданады.
2019 жылдың 1 сәуірінде ашылған Мемлекет басшысының Instagram желісіндегі парақшасына жазылушылар саны 1 миллионнан асты. Президент 9 ай ішінде өз парақшасында ресми шаралардан, кездесулер мен сапарлардан 60 пост жариялады. Қасым-Жомарт Кемелұлы алдағы уақытта Instagram желісінде бейресми сәттерде түсірілген суреттер мен бейнероликтер жариялауды да жоспарлап отыр, - деп жазды Берік Уәли.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript