Алматы қаласы полициясына жаңа басшы тағайындалды
Лада
Қанат Таймерденов Алматы қалалық полиция департаментінің басшысы болып тағайындалды. Бұған дейін ол Маңғыстау облысының полиция бастығы болып қызмет еткен, деп хабарлайды zakon.kz.
Таймерденов Қанат 1974 жылы Алматы облысында дүниеге келген. Ішкі істер министрлігінің академиясын заңгер мамандығы бойынша бітірген. Үйленген, бес баланың әкесі. Ол қазақ және орыс тілдерін еркін меңгерген.
Еңбек өтілінің әр жылдары ол Алматы облысы Ішкі істер департаменті Тергеу комитеті Ұйымдасқан қылмысты бақылау департаментінің аса маңызды істер жөніндегі бөлімінің бастығы, Талғар аудандық ішкі істер басқармасының бастығы, Алматы қаласы Ішкі істер департаменті бастығының бірінші орынбасары болып жұмыс істеді. Жаңа қызметіне дейін ол Маңғыстау облысының ішкі істер департаментінің бастығы болған.
Алматы қаласының бұрынғы полиция бастығы Серік Күдебаев Алматы облыстық полиция департаментінің бастығы болып кетті.
