Нұр-Сұлтан мен Алматыдағы ақша айырбас орындары доллар сатпай жатыр

Бүгін Алматыдағы кейбір ақша айырбас пункттерінде 1 АҚШ долларының құны 471,5 теңгеге дейін жеткен.

Қазақстанның Нұр-Сұлтан, Алматы және Шымкент секілді ірі қалаларындағы көптеген ақша айырбастау орындары АҚШ долларын сатпай жатыр, деп хабарлайды zakon.kz.

Бүгін Алматыдағы кейбір ақша айырбас пункттерінде 1 АҚШ долларының құны 471,5 теңгеге дейін жеткен. Ал евро 514-515 теңгеден саудалануда.

Нұр-Сұлтанда барлық жерде доллар сатылымда жоқ. Евро бағасы 500 теңгеге дейін көтерілді.

Дегенмен Ұлттық банк бейсенбі күнге белгілеген АҚШ долларының ресми бағамы - 439,32 теңге.

Қазақстандық қор биржасында қазіргі кезде доллардың бағамы 439,56 теңгені құрайды.