30 наурыздан бастап Қазақстанның алты қаласы карантинге жабылады

Қызмет көрсету секторының қызметі (сұлулық салондары, моншалар және т.б.), құрылыс базарлары, тауарларды жеткізу арқылы сату мүмкіндігін сақтай отырып сауда орталықтары мен маңызды тауарларға қатысы жоқ сауда нүктелері де жабылады. Балабақшалардың жұмысы тоқтайды

30 наурыздан бастап Қазақстанда алты қала карантинге жабылады, деп хабарлайды zakon.kz.

Оның бірі - Атырау қаласы.

Атырау облысының бас мемлекеттік санитарлық дәрігерінің 2020 жылғы 29 наурыздағы № 8 шешіміне сәйкес, Атырау қаласы аумағында 2020 жылдың 30 наурызында 00:00-ден бастап карантин жарияланады, деп хабарлады облыс әкімдігінің баспасөз қызметі.

Әкімдік дүйсенбіден бастап Атырау қаласына кіруге және одан шығуға шектеу қойылатынын, сонымен қатар қоғамдық көліктерде жұмыс уақытының шектеулі болатындығын атап өтті.

Сондай-ақ 30 наурыздан бастап Қарағанды ​​облысының бес қаласында карантин жарияланады: Қарағанды, Теміртау, Саран, Шахтинск және Абай қалалары.

Қызмет көрсету секторының қызметі (сұлулық салондары, моншалар және т.б.) толықтай тоқтатылады.

Құрылыс базарлары, тауарларды жеткізу арқылы сату мүмкіндігін сақтай отырып сауда орталықтары мен маңызды тауарларға қатысы жоқ сауда нүктелері де жабылады.

Балабақшалардың жұмысы тоқтайды. Азық-түлік базарлары мен дүкендері, дәріханалар бұрынғы қалыпта жұмыс істейді. Коммуналдық қызметтер, күрделі жөндеу қызметтері, тазалау және зарарсыздандыру қызметтеріне шектеу болмайды.

Барлық жұмыстарды облыстық штаб үйлестіреді, әкімдіктер он-лайн режимінге көшеді, әлеуметтік желілердегі азаматтардың барлық өтініштері бақыланады, жауаптар 109 сенім телефоны арқылы беріледі.