12 банк шағын және орта бизнеске арзан несие беруге дайын

Қазақстан банктері коронавирусқа байланысты ТЖ режимі жағдайында еліміздің бизнесін қолдауға дайын.

Қазақстан Президентінің тапсырмасын еліміздің ірі банктері орындауға дайын, деп хабарлайды Мемлекеттік комиссияның шұғыл штабы.

Олардың 12-і шағын және орта бизнесті жеңілдікпен несиелеу бағдарламасын іске асыруды қолға алды.

Аталған бағдарламаны жүзеге асыру үшін Ұлттық банк 600 млрд теңге бөлді.

Кәсіпкерлер 12 айға дейінгі мерзімге жылдық 8%-дан аспайтын мөлшерлеме бойынша айналым капиталын толықтыруға несие ала алады. Бұл несие желілері аясындағы жаңа қаржыландыру немесе жаңа қарыздар болуы мүмкін.