Орамжапырақ экспортына тыйым салынған жоқ - ҚР АШМ
ҚР АШМ
Қазақстан орамжапырақ экспортына тыйым салған жоқ және мұндай жоспары болмаған, деп мәлімдеді Ауыл шаруашылығы министрлігі, деп хабарлайды zakon.kz.
ҚР Ауыл шаруашылығы министрлігі кейбір фермерлердің ресми дереккөздердегі ақпаратпен таныспауына немесе оны дұрыс түсінбеуіне, сондай-ақ әлеуметтік желілерде қате, кейде әдейі жалған ақпараттың таралуына байланысты: "ҚР АШМ орамжапырақты алыс және жақын шетелдерге экспорттауды тоқтатуды жоспарламады және тыйым салмады" деп тағы да ресми түрде хабарлайды.
Бұл дегеніміз, орамжапырақты экспортауға, соның ішінде Ресей Федерациясының аумағына да экспорттауға рұқсат етілген білдіреді.
Алайда, Қазақстан Республикасында төтенше жағдайдың енгізілуіне байланысты ағымдағы жылдың наурыз айында Мемлекет басшысы әлеуметтік маңызы бар тауарлардың жетіспеушілігіне жол бермеуді және халықты азық-түліктің жеткілікті көлемімен үздіксіз қамтамасыз ету үшін олардың төмендетілмейтін қорды қамтамасыз етуді тапсырды.
Сондықтан ҚР Ауыл шаруашылығы министрлігі кейбір азық-түлік тауарларының экспортын реттеу туралы ереже енгізді. Олардың қатарына орамжапырақ, түсті орамжапырақ, жапырақты орамжапырақ, кольраби және басқа да Brassica тектес осыған ұқсас жеуге жарамды көкөністер кірді.
Жалған ақпараттың одан әрі таралмауы үшін ҚР Ауыл шаруашылығы министрлігі: орамжапырақты шетелге квота бойынша экспорттауға рұқсат етілгенін ресми хабарлайды. Барлық тиісті хабарландырулар мен құжаттар ведомствоның ресми сайтында жарияланған, - делінген хабарламада.
