Атырау облысында 8 жастағы қыз, жүкті әйел мен студент коронавирус жұқтырды

Өңірде Covid-19 жұқтырғандар саны 223 адамға жетті.

Атырау облысында коронавирус инфекциясының тағы 14 жағдайы тіркелді, деп хабарлайды zakon.kz ТЖ қамтамасыз ету жөніндегі Жедел штаб ақпаратына сілтеме жасап.

Өңірде Covid-19 жұқтырғандар саны 223 адамға жетті.

14 жаңа жағдайдың арасында 8 жастағы Махамбет ауданының тұрғыны бар. Ол аудандық орталық ауруханада ем қабылдаған. Кішкентай қызда коронавирустың бар екендігі, ПТР тестілеу нәтижесінде анықталып, кейін іс-әрекеттер алгоритміне сәйкес, ол инфекциялық стационарға жатқызылды.

Сонымен қатар, науқастардың ішінде индерлік 24 жастағы жүкті әйел бар.

4 мамыр күні Астраханнан келген 24 жасар студент те аталмыш дертпен ауруханаға түскен. Covid-19 анықталғанға дейін жігіт карантиндік стационарда жатқан.

Қазіргі уақытта науқастардың инфекция ошақтары анықталып, олармен байланыста болған адамдар анықталуда.

Ал, қалған 11 науқас туралы ақпарат кейінірек жарияланатын болады.