11 мамырда Тоқаев еліміздегі төтенше жағдай режиміне байланысты мәлімдеме жасайды

Жиын барысында Мемлекет басшысы Төтенше жағдайға қатысты мәлімдеме жасауды жоспарлап отыр.

Ертең, яғни 11 мамыр күні Қазақстан Президенті Қасым-Жомарт Тоқаев Төтенше жағдай режимін қамтамасыз ету жөніндегі мемлекеттік комиссияның отырысын өткізеді, деп хабарлайды zakon.kz.

Бұл туралы ҚР Президентінің баспасөз хатшысы Берік Уәли Facebook-те жазды.

"Жиын барысында Мемлекет басшысы коронавирустың қазіргі ахуалын саралап, Төтенше жағдай режимі аяқталғаннан кейінгі Үкімет пен басқа да мемлекеттік органдардың алдағы стратегиялық іс-әрекетін айқындайтын мәлімдеме жасауды жоспарлап отыр", - деп жазды Берік Уәли.

Айта кетсек, Мемлекет басшысының Жарлығымен Қазақстандағы Төтенше жағдай 11 мамырға дейін ұзартылған болатын.