Жезқазған қаласының әкімі өз-өзін оқшаулау туралы шешім қабылдады

karaganda-akimat.gov.kz

Қалалық әкімдік карантинге жабылған жоқ.

Коронавирус тасымалдаушысымен байланыста болған Жезқазған қаласының әкімі Қайрат Бегімов жұмысқа шықпай, үйінде оқшауланды, деп хабарлайды zakon.kz.

BaigeNews.kz хабарлағандай, әкім қашықтықтан жұмыс істей береді.

Жезқазған қаласының әкімі қашықтықтан жұмыс істейді. Ол қаладағы жұмыс сапары кезінде коронавирус инфекциясын жұқтырған адаммен бірге болған. ПТР тесті нәтижесі теріс болғанына қарамастан, әкім басқаларға қауіп-қатер төндірмес үшін қашықтықтан жұмыс істеу туралы шешім қабылдады, деп хабарлады облыс әкімдігінің баспасөз қызметі.

Сонымен бірге, қалалық әкімдік карантинге жабылған жоқ. Әкімдік ұжымы коронавирусқа тест тапсырып, оның барлығы теріс нәтиже көрсетті. Ол - Қарағанды облысының аумағында коронавирус инфекциясының таралуына байланысты өзін-өзі оқшаулаған екінші әкім. Қайрат Бегімовке дейін Теміртау қаласының әкімі Ғалым Әшімов 14 күн үйде карантинде екенін жариялаған. Оның ауруына байланысты демалысы 15 маусымда аяқталады.

Оқи отырыңыз