Карантиндегі үш министр жұмысқа шықты
Facebook Askhat Aimagambetov
Коронавирусқа бірнеше рет тапсырған тест нәтижесі теріс болғандықтан Қазақстанның үш министрі карантиннен босады, деп хабарлайды zakon.kz.
Өз-өзін оқшаулаған Білім және ғылым министрі Асхат Аймағамбетов, Ауылшаруашылығы министрі Сапархан Омаров, Экология, геология және табиғи ресурстар министрі Магғзұм Мырзағалиев коронавирусқа қарсы бірнеше рет тест тапсырды. Барлығынан COVID-19 диагнозы расталмады. Енді министрлер, әдеттегідей кесте бойынша жұмыс істеуге кіріседі, - деді Қазақстан Республикасы Премьер-Министрінің кеңесшісі және баспасөз хатшысы Садық Әкіжанов.
Қазір Үкіметтің барлық отырыстары мен мәжілістері селекторлық режимде өтіп жатыр.
Үкімет ғимаратында және министрліктер үйінде санитарлық режим, қауіпсіздік шаралары күшейтілді, қызметкерлердің 80% -ы қашықтан жұмыс істеуге көшкен.
