Екі күнде елімізде коронавирустан 89 адам көз жұмған

17 шілдедегі дерек бойынша, елімізде коронавирустан қайтыс болған адамдардың жалпы саны - 464 (0,7%).

ДДСҰ мамандарымен тікелей эфирде Денсаулық сақтау министрі Алексей Цой коронавирус туралы соңғы мәліметтерді жариялады, деп хабарлайды zakon.kz.

17 шілдедегі жағдай бойынша, Қазақстанда COVID-19 вирусын жұқтырудың 66 895 жағдайы тіркелді, оның 26 ​​175-і емделіп жатыр, 40 256 (60%) адам емделіп, ауруханадан шығарылды, 464 адам коронавирустан қайтыс болды (0,7%).

15 шілдедегі жағдай бойынша, елімізде КВИ-дан 375 адам қайтыс болған еді.