Екі министрліктің жоғары лауазымды шенділеріне қатысты қылмыстық іс қозғалды

inbusiness.kz

Бюджет қаражаттарының ұрлануына жол бермей, "Цифрлық Қазақстан" мемлекеттік бағдарламасын іске асыруда мүмкіндігінше көп күш салу қажет - Шпекбаев.

Екі министрліктің жоғары лауазымды шенеуніктеріне қатысты қылмыстық іс қозғалды. Осы себепті де біз бюджет қаражатын жымқыруға жол бермеу үшін "Цифрлы Қазақстан" мемлекеттік бағдарламасын жүзеге асыруда мүмкіндігінше көп күш салуымыз керек. Бұл туралы ҚР сыбайлас жемқорлыққа қарсы іс-қимыл агенттігінің төрағасы Алик Шпекбаев мәлімдеді, деп хабарлайды zakon.kz.

- Пандемия барлық мемлекеттерді мемлекеттік басқару жүйесін және қалыптасқан бизнес-процестерді қайта құру арқылы нақты мәселелерді шешуге ғана емес, өзгерістерді тиімді басқару туралы байыпты ойлауға мәжбүр етті. Бүгінгі әлемде бұрын-соңды болмаған сияқты, мемлекеттік басқаруды жеделдетілген цифрландыру тақырыбы өзекті болып табылады.Коронавируспен күрестегі озық тәжірибелерді талдау көрсеткендей, дамыған және іс жүзінде жұмыс істейтін мемлекеттік электрондық қызметтері бар елдер, мысалы, Оңтүстік Корея мен Сингапур, пандемиядан тез арылуға болатындығын көрсетті, - деді Шпекбаев.

Оның айтуынша, бюджет қаражаттарының ұрлануына жол бермей, "Цифрлық Қазақстан" мемлекеттік бағдарламасын іске асыруда мүмкіндігінше көп күш салу қажет.

- Осыған байланысты, біз қазіргі уақытта Цифрлық даму, одан соң Білім және ғылым министрліктерінің жоғары лауазымды шенеуніктеріне қатысты цифрландыру бойынша 2 қылмыстық іс тергеліп жатқандығын хабарлаймыз, - деді ол.

Оқи отырыңыз