Цой екі аптаға енгізілген кейінгі карантиннің қорытындысын жариялады

23 шілдеден бастап инфекцияның репродуктивтілік көрсеткішінің тұрақты төмендеу үрдісі байқалды.

Үкімет отырысында ҚР Денсаулық сақтау министрі Алексей Цой екі апталық карантиннің нәтижелерін жариялады, деп хабарлайды zakon.kz.

3 тамыздағы жағдай бойынша коронавирус инфекциясын жұқтырған 93 820 науқас тіркелді, оның ішінде 27 597 адам ем алып жатыр, ал 65 132 немесе жалпы науқастардың 69,4%-ы емделіп, ауруханадан шыққан, 1 091 адам қауіпті дерттен қайтыс болды.

- Жалпы, республикамызда тіркелген жағдайлардың өткен аптамен салыстырғанда 18% -ға төмендегені байқалады. Карантиннің 4 аптасында мынандай көрсеткіштерге қол жеткізілді: ауруханадағы науқастар 56% -ға, оның ішінде реанимациядағы науқастар саны 36% -ға төмендеді. Емделіп, сауыққандар саны 63% дейін өсті. Жедел жәрдем қызметіне, оның ішінде коронавирусқа қатысты қоңыраулар саны 40%-ға төмендеді. Ал инфекцияның өсімділік көрсеткіші 24% -ға, яғни 1,2-ден 0,89 пайзға дейін төмендеді, - деді ол.

Цойдың айтуынша, денсаулық сақтау жүйесіне түскен ауыртпалықтың негізгі көрсеткіштері төмендеді.

- Инфекцияның репродуктивті деңгейінің динамикасына сәйкес, яғни ауруды жұқтырған адамдардың саны - бұл көрсеткіш коронавирус инфекциясының расталған жағдайларын тіркеуге негізделген. 1 көрсеткіші аурур жұқтырған науқастар санының өсуін көрсетеді. Вирус репродуктивтілігінің 1-ден төмен деңгейі - ауру жұқтырған бір адамнан аурудың таралуы санының азайғанын байқатады. Қатаң шектеу шаралары енгізілместен бұрын вирустың репродуктивтілік деңгейі 1,2 болған, 2 аптадан кейін карантин енгізілген соң, біз бұл көрсеткіштің тұрақты төмендеу үрдісін байқап отырмыз. Позитивті динамиканың кешеуілдеуі инфекцияның инкубациялық кезеңіне байланысты, ол 14 күнді құрайды, - деді министр.

23 шілдеден бастап инфекцияның репродуктивтілік көрсеткішінің тұрақты төмендеу үрдісі байқалды.

- 4 тамыздағы жағдай бойынша бұл көрсеткіш 0,89 дейін төмендеді. Бұл енгізілген карантиннің тиімділігі мен жағдайды тұрақтандыру бойынша кеңінен қабылданған шаралардың тағы бір дәлелі, - деп қорытындылады өз сөзін министр.