ҚР Мемлекеттік күзет қызметі бастығының орынбасары жаңадан тағайындалды

Бұл лауазымды қызметке Әшімбекұлы Ардақ келді.

Әшімбекұлы Ардақ Мемлекеттік күзет қызметі бастығының орынбасары болып тағайындалды, деп хабарлайды zakon.kz.

Мемлекет басшысының бұйрығымен Әшімбекұлы Ардақ Қазақстан Республикасы Мемлекеттік күзет қызметі бастығының орынбасары - арнайы жасақ қолбасшысы болып тағайындалды, деп хабарлайды Ақорда сайты.

Әшімбекұлы Ардақ 1977 жылы туған.

Білімі, мамандығы (біліктілігі), лицензиялары:

Қазақстан Республикасы Ұлттық қауіпсіздік комитеті Шекара әскерлерінің әскери институты (1999) - "Бөлімшелердің қызметтік-жауынгерлік қызметін басқару" мамандығы

Қазақ гуманитарлық заң университеті (2014) - "Құқықтану" мамандығы

Еңбек өтілі:

· Қазақстан Республикасының Үланы қатарындағы офицерлік лауазымдардағы қызмет (06.1999-03.2001);

· ҚР Президентінің Күзет қызметіндегі әртүрлі офицерлік лауазымдардағы қызмет (03.2001-05.2013);

· ҚР Президентінің Күзет қызметі бастығының бірінші орынбасары - Президенттің күзет қызметінің бастығы (2013-04.2014);

· ҚР Мемлекеттік күзет қызметі бастығының орынбасары - Қазақстан Республикасы Тұңғыш Президенті - Елбасы Күзет қызметінің бастығы (04.2014-11.2018);

- ҚР Мемлекеттік күзет қызметінің бастығы (14.11.2018-06.2019);

- ҚР Мемлекеттік күзет қызметі бастығының бірінші орынбасары - ҚР Тұңғыш Президенті - Елбасы күзеті қызметінің бастығы (06.2019 жылдан бастап).