Кәсіпкерлердің мойнындағы несиесінің сыйақы мөлшерлемесі 6 пайызға дейін төмендетіледі

zakon.kz

Субсидиялау төтенше жағдай жарияланған сәттен бастап 12 айды қамтиды.

Шағын және орта кәсіпкерлік субъектілері үшін қолданыстағы несиелерді субсидиялау түріндегі бизнеске қосымша көмек көрсетіледі, деп мәлімдеді Ұлттық экономика министрі Руслан Дәленов бүгін үкімет отырысында, деп хабарлайды zakon.kz.

- Шағын және орта бизнеске қосымша көмек көрсету үшін ШОБ-қа берілген несиелер бойынша пайыздық мөлшерлемелер субсидияланып, қарыз алушы үшін жылдық сыйақы мөлшерлеме 6% -ке дейін төмендетіледі. Субсидиялау төтенше жағдай жарияланған сәттен бастап 12 айды қамтиды, - деді Даленов.

Оның айтуынша, бұл шара "Бизнестің жол картасы - 2025" мемлекеттік бағдарламасының жаңа бағыты аясында жүзеге асырылады.

Сонымен қатар, жиында айтылғандай, тәуекелдерді басқару жүйесін автоматтандыруды, барлық нормативтік талаптарды қайта қарауды және оларды төмендету бойынша ұсыныстарды әзірлеуді қамтитын іскерлік ахуалды одан әрі жақсарту бойынша шаралар кешені қабылданатын болады.

- Кәсіпкерлік кодекске тиісті түзетулер енгізу арқылы нормативтік шағым институтын енгізу бойынша шаралар қабылданады. Сондай-ақ, мемлекеттік қолдаудың қаржылық және қаржылық емес шараларын жүзеге асыру әрі қарай жалғасады. Жалпы, бұл ЖІӨ-дегі ШОБ үлесін 35% -ға дейін және ШОБ бойынша жұмыспен қамтылғандардың жалпы санын 2025 жылға қарай 4 млн адамға дейін ұлғайту бойынша қойылған міндеттерге қол жеткізуге ықпал етеді, - деп атап өтті Дәленов.

Оқи отырыңыз