Спорт жаңалықтары 
Қазақ футболы ФИФА рейтингінде әлі 118-ші орында тұр
ҚФФ
Футболдан Қазақстан құрамасы Халықаралық футбол федерациясының (ФИФА) жаңартылған рейтингінде 118 орынды сақтап қалды, деп хабарлайды zakon.kz Vesti.kz-ке сілтеме жасап.
Жаңартылған тізімнің үздік үштігінде ешқандай өзгеріс жоқ. Көшбасында Бельгия құрамасы тұрса, Франция екінші орында, Бразилия үшінші сатыда.
ФИФА рейтингі:
1 (1). Бельгия - 1773 ұпай;
2 (2). Франция - 1744;
3 (3). Бразилия - 1712;
4 (4). Англия - 1664;
5 (7). Португалия - 1653;
6 (5). Уругвай - 1645;
7 (8). Испания - 1642;
8 (6). Хорватия - 1628;
9 (9). Аргентина - 1623;
10 (10). Колумбия - 1622;
...118 (118). Қазақстан - 1156.
Айта кетейік, Ұлттар лигасының жаңа маусымында Михал Билек баптайтын Қазақстан құрамасы екі кездесу өткізді. Бірінші кездесуде біздің құрама сырт алаңда Литваны 2:0 есебімен жеңсе, Алматыда Беларусь құрамасынан 1:2 есебімен ұтылып қалды. Енді Қазақстан құрамасы келесі кездесуін 10 қазан күні өз алаңында Албания құрамасына қарсы өткізеді.
