Тоқаев БҰҰ Бас Ассамблеясының мерейтойлық сессиясында сөз сөйлейді

Мерейтойлық сессия БҰҰ-ның 75 жылдығына арналған.

Қасым-Жомарт Тоқаев БҰҰ-ның мерейтойлық шарасында сөз сөйлейді, деп хабарлайды zakon.kz.

Бұл туралы Facebook-те Қазақстан Республикасы Президентінің баспасөз хатшысы Берік Уәли мәлім етті.

"Бүгін Нұр-Сұлтан уақыты бойынша шамамен сағат 20.00-ден кейін Қазақстан Президенті Қасым-Жомарт Тоқаев Біріккен Ұлттар Ұйымы Бас Ассамблеясының мерейтойлық сессиясы аясында БҰҰ 75 жылдығына арналған Жоғары деңгейдегі кездесуде бейне үндеу жасайды.
Мемлекет басшысының сөйлеген сөзінің тікелей трансляциясын БҰҰ веб сайтынан: http://webtv.un.org көруге болады", делінген жазбада.