2025 жылға қарай ақылы жолдар 60-72 млрд теңге табыс әкеледі
inform.kz
Қазақстанда жолдардың төлем жүйесін дамыту бағытындағы жұмыс қарқын алды. Биыл инвестормен жобаның негізгі бөлігі іске асырылмақ. Яғни 5,8 мың шақырым жолда төлем өндіру жүйесі енгізіледі, деп хабарлайды zakon.kz ҚР ИИДМ баспасөз қызметіне сілтеме жасап.
2021-2024 жылдар аралығында тағы 5,2 мың шақырымға төлем өндіру жүйесін енгізу бойынша жұмыстары жалғасады. Осылайша 2025 жылға қарай Қазақстандағы ақылы жолдардың ұзындығы 11 мың шақырымды құрамақ.
Пайдаланудың алғашқы жылында, яғни 2021 жылы ақылы жолдардан 25,6 млрд теңге көлемінде қаржы жиналады деп болжануда. Ал 11 мың шақырым жол толық ақылы болғанда, автожолдар жылына 60-72 млрд теңге табыс әкелмек. Бұл сома қазіргі ақылы телімдегі тарифтерді ескеріп есептелген.
Жиналған қаржы учаскелердегі ағымдық жөндеу жұмыстарға, жолдарды күтуге, төлем өндіру жүйесіне қызмет көрсету мен инвесторға төлем жасауға жұмсалады. Демек ақылы жолдар өз шығының өзі өтейді.
Сөйтіп мемлекет бюджетінен қаржыландыруды қажет етпейді.
Айта кетейік, жыл басынан бері "Нұр-Сұлтан-Шортаңды", "Нұр-Сұлтан-Теміртау", "Алматы-Қорғас", "Алматы-Қапшағай" автожолдарынан 4 млрд теңге жиналған.
