ҚР СІМ Инвестиция комитетінің төрағасы жаңадан тағайындалды

ҚР СІМ

Бұл лауазымды қызметке Асқар Шоқыбаев келді.

Қазақстан Республикасы Сыртқы істер министрлігі Инвестиция комитетінің төрағасы болып Асқар Шоқыбаев тағайындалды, деп хабарлайды zakon.kz.

Асқар Жеңісұлы Шоқыбаев 1974 жылы туған. 1996 жылы Алматыдағы әл-Фараби атындағы Қазақ ұлттық университетін "Шығыстану" мамандығы бойынша бітірген.

Еңбек жолын 1997 жылы ҚР Сыртқы істер министрлігінен бастаған. Осы жылдары ол "Қазақойл", "Қазақтелеком", "Қазтрансгаз" ұлттық компанияларында, сондай-ақ Қазақстан Республикасы Президенті Әкімшілігінің Сыртқы саясат орталығында түрлі қызметтер атқарды. 2008-2012 жылдар аралығында Қазақстан Республикасының Стамбулдағы Бас консулы, кейін 2012-2014 жылдары Қазақстан Республикасының Дубайдағы Бас консулы болды.

Қазақстан Республикасы Сыртқы істер министрлігі Инвестиция комитетінің төрағасы болып тағайындалғанға дейі ол 2014 жылдан бастап Қазақстанның Катар мемлекетіндегі елшісі болды. ІІ-деңгейдегі Төтенше және Өкілетті Уәкіл дипломаттық дәрежесіне ие. Араб және ағылшын тілдерін жетік меңгерген.

Оқи отырыңыз