Алматыда тұмауға қарсы вакцинаға деген сұраныс күрт артты
rostec.ru
Қоймаға тапсырыс берген 300 мың дозадан бөлек қосымша 56 мың доза келіп түсті.
Алматы қаласының бас мемлекеттік санитарлық дәрігері Жандарбек Бекшин қалада тұмауға қарсы вакцинаға деген сұраныстың күрт артқанын нақтылады, деп хабарлайды zakon.kz.
- Қазір, әсіресе тұмауға қарсы вакцинаға деген сұраныс күрт артты. Егер 2019 жылы вакцинаның 100 мың дозасын 1 желтоқсанда түгессек, онда осы жылдың қазан айында алматылықтар 130 мың доза вакцина алды, - деді ол.
Оның айтуынша, қосымша 56 мың вакцина алдыртылған.
- Қоймаға тапсырыс берген 300 мың дозадан бөлек қосымша 56 мың доза келіп түсті. Қазір екпеден бас тартып жатыр деп айта алмаймыз. Керісінше, вакцинацияға деген сұраныстың артуы байқалады, - деп сөзін қорытындылады Бекшин.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
