Астыртын ойынхана ұйымдастырған алматылық 4 жылға сотталды

видеодан кадр

Мамыр айында "Ойын бизнесі туралы" заңнамаға қайшы қызмет етіп келген ойынхана анықталған болатын.

ҚР ҚМ Қаржы мониторингі комитетінің Алматы қаласы бойынша Экономикалық тергеу департаменті Алматы қаласында астыртын ойынхана қызметін төтенше жағдай кезінде ұйымдастырушыға қатысты сотқа дейінгі тергеу амалдарын аяқтады, деп хабарлайды zakon.kz.

Ағымдағы жылдың мамыр айында жедел-тергеу шаралары барысында ҚР "Ойын бизнесі туралы" заңнамасына қайшы қызмет етіп келген ойынхананың жұмысы анықталған болатын.

Тексерістер жүргізу барысында, төтенге жағдай және карантин режимінде ғимараттың ішінде ойыншылар және ойынхананың жұмысшылары болған. Тінту барысында покер ойынына арналған арнайы үстел, 13 дана ойын автоматтары, рулетка, компьютерлер, тағы басқа техникалар мен қоса шетелдік және ұлттық валюталары анықталған болатын.

Алматы қаласы Алмалы аудандық сотының үкімімен ойынхананы ұйымдастырушы ҚР ҚК 307 3-б. 2-т. бойынша (заңсыз ойын бизнесін ұйымдастыру, аса ірі көлемде) кінәлі деп танылып 4 жыл 2 айға бас бостандығынан айырылды.

Оқи отырыңыз