Павлодар облысында карантиндік шаралар күшейтілді

total.kz

Демалыс күндері қоғамдық көліктер жұмысқа шықпайды.

Павлодар облысының бас санитарлық дәрігері облыс территориясындағы карантиндік шектеу шаралар туралы қаулыға қол қойды, деп хабарлайды zakon.kz.

Атап айтқанда, қоғамдық тамақтану орындары (мейрамханалар, кафелер, асханалардың барлары) ғимараттың ішінде 30 орыннан аспайтын, әлеуметтік арақашықтықты сақтай отырып және бір үстел басына 4-6-дан артық адам отырғызбай жұмыс істей алады. Ұжымдық, салтанатты, отбасылық және басқа да көпшілік шаралар өткізуге тыйым салынады, жұмыс кестесі - таңғы сағат 8.00-ден сағаттан 20.00-ге дейін.

Сауда орталықтары (ойын-сауық сауда орталықтарын, тамақтану алаңдарын, кинотеатрларды қоспағанда), сауда үйлері (бутиктер), сауда желілері күшейтілген санитарлық-дезинфекциялық режимді сақтай отырып, Қазақстан Республикасының бас санитарлық дәрігерінің No43 қаулысының талаптарына сай жұмыс істей алады. Дүкеннің 20 пайызы кеңістігіне ғана адам қабылдауға рұқсат.
Азық-түлік дүкендерінің жұмыс уақыты сағат 22.00-ге дейін бекітіледі, сонымен қатар бас санитарлық дәрігердің қаулысының талаптары сақталуы тиіс.

Азық-түлік емес дүкендер сағат 18.00-ге дейін жұмыс істей алады, егер тұтынушылар дүкен кеңістігінің 20% -нан аспаса.
Азық-түлік және азық-түлікке жатпайтын базарлардың жұмысы сағат 18.00-ге дейін шектеледі, мұнда да адам толу деңгейі 20% -дан аспауы, қажетті талаптар орындалуы шарт.

Спа-орталықтардың, массаж қызметтерінің, сұлулық салондарының, шаштараздың, косметикалық салондардың жұмысына 1 келушіге 4 шаршы метр мөлшерінде бөлу және жұмыс уақыты сағат 20.00-ге дейін рұқсат етіледі.

Моншалар мен сауналар қажетті талаптарды ескере отырып, сағат 8.00-ден 20.00-ге дейін жұмыс істей алады, онда да келушілер көлемі 30% -дан аспауы керек.

Фитнес-орталықтар, спорт залдар, спорттық-сауықтыру орталықтар сағат 8.00-ден 20 .00-ге дейінгі аралықта алдын ала жазылу арқылы жұмыс істей алады. Онда да келушілер саны 30-дан аспауы тиіс.

Сонымен қатар, жексенбі күні қоғамдық көліктер тоқтайды.

Қаулы 2020 жылдың 18 қазаны сағат 00:00-ден бастап өз күшіне енеді.

Оқи отырыңыз