Маңғыстауда І және ІІ деңгейлі инфекциялық стационарларда 64 науқас жатыр

Бүгінде аймақтың оқшаулау орындарындағы төсек-орын жүктемесі 30 пайызды құрайды.

Маңғыстауда 26 қазандағы жағдайға сәйкес I-II деңгейлі инфекциялық стационарларда 64 адам ем қабылдап жатыр.

Облыстың денсаулық сақтау басқармасының мәліметінше, 64 науқастың ішінде 6-да коронавирусқа тапсырған сынама оң нәтиже көрсеткен.

Қазіргі уақытта жансақтау бөлімінде 6 науқас жатыр. Оның 5-нің жағдайы ауыр, тағы 1 науқас өте ауыр хәлде деп бағалануда. Үй карантинінде оқшауланған 16 адам бар.

Бұл бөлімге түскендердің нашарлауына жедел тыныс жетіспеушілігі және ілеспе аурулардың болуы себеп.

Бүгінде аймақтың оқшаулау орындарындағы төсек-орын жүктемесі 30 пайызды құрайды.

Облыс көлемінде 215 инфекциялық І-ІІ сатылы төсек орын бар. Сондай-ақ, реанимациялық төсек саны 43.

Анықтамасыз шетелден келген Қазақстан Республикасының азаматтары мен шетел азаматтарына арналған карантиндік стационарларда барлығы 270 төсек орын бар.