Стамбул-Алматы рейсімен коронавирус жұқтырған жолаушы келді

Қазан айының 1-нен 10-шы қарашаға дейінгі кезеңде Алматы қаласында 576 КВИ жағдайы және 157 пневмонияның жағдайы тіркелді.

Коронавирустық инфекцияның 1 жағдайы Стамбул-Алматы рейсімен келген, деді Алматы қаласының бас санитарлық дәрігері Жандарбек Бекшин тікелей эфир барысында, деп хабарлайды zakon.kz.

Оның сөзінше, 2020 жылғы қазан айының 1-нен 10-шы қарашаға дейінгі кезеңде Алматы қаласында 576 КВИ жағдайы және 157 пневмонияның жағдайы тіркелді.

Бекшин коронавирус инфекциясын жұқтырудың негізгі себептерін де атады:

1) ұжымдардағы ұйымдар мен кеңселердегі жұмыста жұқтыру-192 жағдай (44%);

2) қоғамдық орындарда және қалалық көлікте- автобустар, троллейбустар, метро) - 129 жағдай (30%);

3) үй ошағында жұқтыру - 79 жағдай (18%);

4) 10 қазаннан 9 қарашаға дейін шет елдерден коронавирустық инфекцияның 37 жағдайы (8%) келіп қосылды.