Жаңалықтар тізбегі
0

Депутат Бақытбек Смағұл құпия архивтерді ашайын деп жүр

Мәжілістің баспасөз қызметі Мәжілістің баспасөз қызметі
Ол Саяси қуғын-сүргін құрбандарын ақтау жөніндегі мемлекеттік комиссияға мүше боп кіріп алған.

Қуғын-сүргін құрбандарын ақтайтын мемкомиссия 1-ші жиынына жиылды, деп хабарлайды zakon.kz.

Бұл туралы Мәжіліс депутаты, комиссия мүшесі Бақытбек Смағұл Facebook-тегі өз парақшасында жазып жіберді.

Елде Елбасы бастамасымен, ел Президенті Қасым-Жомарт Тоқаевтың тапсырмасымен құрылған Саяси қуғын-сүргін құрбандарын толық ақтау жөніндегі мемлекеттік комиссияның тұңғыш отырысы өтті. Оған Мемлекеттік хатшы Қырымбек Елеуұлы Көшербаев төрағалық етті.

"Бірінші отырыс онлайн форматқа негізделді. Осы мақсатта Нұр-Сұлтан қаласындағы Ұлттық академиялық кітапханада негізгі алаң ұйымдастырылды. Онда үстел басында Мемлекеттік комиссия төрағасы, оның орынбасарлары және күн тәртібі бойынша сөз сөйлеушілер жайғасты. Мемкомиссияның өзге мүшелері отырысқа Zoom платформасы арқылы өз жұмыс орындарынан қосылды. Мен Парламент Мәжілісіндегі жұмыс орнымнан байланысқа шықтым. Мемкомиссияға жалпы саны 49 белгілі тұлға мүше.

Жазықсыз жала жабылған, айыпсыз атып-асылған арыстар ақталмай, ел жарқын болашаққа бет қоя алмас!

Біздің алдымызда Шығыс Еуропа, Балтық жағалауы елдері, Украина осы бағытта жұмыстар жүргізді. Біз солардың, шет елдердің тәжірибесін де зерделейміз.

Мемкомиссия құпия архивтермен жұмыс істейді. Бірінші отырыста осы тұрғыда маңызды бір мәселе көтерілді: бұрын құпия құжаттар Ұлттық қауіпсіздік комитетінің қол астында мұқият сақталатын және соған қажетті барлық жағдайлар жасалған. Алайда кейін ол архивтер Ішкі істер министрлігінің құзырына тапсырылыпты. Ғалымдар мен зерттеушілер: "ішкі істер органдарының материалдық-техникалық жағдайы, мамандарының даярлығы мен біліктілігі сол мұрағаттық материалдарды лайықты сақтап, қорғауға жете ме?" деп сауал тастап, алаңдаушылық білдірді. Қалай болғанда, ең бастысы – тарихымыздың тағы бір тұсын бүтіндеуге, жоғалтқанымызды түгендеуге, кінәсіз жазаланғандарды ақтауға бағытталған маңызды қадам басталды", – деді Бақытбек Смағұл.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: