Жаңалықтар тізбегі
0

Зейнетақы жарнасын пайдалану: Үй жөндеуге ақша тек жаңа баспана алса ғана беріледі

Ашық дерекөздерден алынды Ашық дерекөздерден алынды
Бірақ оқу ақысын төлеу бұл тізімге кірмеген.

Қазақстандықтар зейнетақы қорындағы жинағының бір бөлігін келер жылдан бастап жеке мақсатына жарата бастауы тиіс. Бірақ, оған аз уақыт қалса да алу мен жарату тәртібі толық жасалып бітпеген. Әзірге белгілісі, 8 түрлі мақсатқа жаратуға болады. Оның ішінде ипотекамен баспаналы болудың барлық түрі қарастырылған, деп хабарлайды zakon.kz КТК-ға сілтеме жасап.

Яғни бастапқы жарна ретінде төлеу, негізгі қарызды жабу, туысына аудару және тағысын тағы. Бірақ үйді жөндеуге ақша берілмейді.

Ләззат Ибрагимова, (Қазақстанның тұрғын үй құрылыс жинақ банкі) "Отбасы банк" АҚ басқарма төрайымы:

- Үй жөндеуге ақша тек жаңа баспана алған жағдайда ғана беріледі. Яғни жаңа баспананы бітпеген күйінде алып, ішіне жөндеу қажет болса, оған жаратуға рұқсат. Банкпен арадағы келісімшартта ол көрсетілуі керек. Ол нұсқа о бастан бірден қарастырылды. Ал дайын тұрған үйді құр жөндеуге жеке дара қаражат берілмейді.

Әзірге ұсынылып отырған нұсқада қордан шешіп алатын ақша үшін отбасы банкінен арнайы есепшот ашу керек. Ақша сол есепшотқа түседі де, діттеген жеріне 45 күн ішінде төленуі тиіс. Яғни баспанаға немесе ем-домға төлеу керек. Бірақ оқу ақысын төлеу бұл тізімге кірмеген.

Ақмәди Сарыбасов, ҚР Еңбек және халықты әлеуметтік қорғау бірінші вице-министрі:

- Бұл мәселені қарастырған кезде отбасына қажет негізгі әлеуметтік мұқтаждық ескерілді. Бұл – баспана, емделу. Ал білім алуға мемлекет онсыз да жеткілікті деңгейде грант беріп отыр. Сондықтан ең негізгі қажеттілікке келгенде білім алу қолдау таппады да, сондықт ан оны қосқан жоқпыз.

Зейнетақы жинағының ақшасы ипотека бойынша бастапқы жарна мен негізгі қарыз болмаса, айыппұл мен өсімпұлға төленбейді. Ем алуға, диагностика жасатуға, тіс емдетуге, пластикалық ота жасатып, радиохирургиялық ем қабылдауға төлеуге болады. Сондай-ақ оңалту-сауықтыру орындары және тағы басқа ақылы қызметке қолданылады. «Эко» арқылы босану мәселесі де қарастырылып жатыр.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: