Алдағы үш күнде аязды ауа райы сақталады

Жауын-шашын жоқ.

Қазгидромет мамандары Қазақстан бойынша 2021 жылғы 07-09 қаңтарға арналған ауа райы болжамын айтты, деп хабарлайды zakon.kz.

Қазақстан аумағының басым бөлігінде бұрынғыдай антициклон сілемі өз әсерін сақтайды, осыған байланысты жауын-шашынсыз аязды ауа райы сақталады.

Тек батыста, кезеңнің соңында, елдің солтүстік-батысында фронтальды бөлімдердің әсерінен жаяу бұрқасынмен қар жауады.

Республика бойынша кей жерлерде тұман, батыста желдің күшеюі күтіледі.