Атырау облысында бас санитар дәрігер сегізінші рет ауысты
![kursiv.kz, сурет - Zakon.kz жаңалық 07.01.2021 00:05](https://kaz.zakon.kz/pbi/WEBP/2023-12-20/file-76970a10-bc83-4f39-b659-53bc9745199f/800x452.webp)
6 қаңтарда Атырау облысында жаңа бас санитар дәрігер - санитариялық-эпидемиологиялық бақылау департаментінің басшысы тағайындалды. Ол - Батыс Қазақстан облысының тумасы Мәдениет Танауов, деп хабарлайды zakon.kz.
М.Танауов 1971 жылы туған, 1997 жылы С.Д. Асфендияров атындағы ҚазҰМУ-ді (санитариялық-гигиеналық факультет) бітірген. Осы тағайындауға дейін ол Орал қаласының бас санитар дәрігері болып жұмыс істеді.
Одан бұрынғы санитар дәрігер Амантай ЖҰМАҒАЛИЕВ өзінің бұрынғы қызметіне - Атырау облысы бойынша санитариялық-эпидемиологиялық бақылау департаменті бастығының орынбасары лауазымына оралды.
Естеріңізге салсақ, бұл өңірімізде COVID-19 пандемиясы басталғалы тағайындалған сегізінші бас санитар дәрігер.
Дерек көз: azh.kz