Алматы қаласының әкімі Сағынтаев та дауыс берді

Қала әкімі өзінің азаматтық борышын орындап, Оқушылар сарайында орналасқан №377 сайлау учаскесінде дауыс берді.

Алматы қаласының әкімі Бақытжан Сағынтаев ҚР Парламенті Мәжілісі депутаттарының сайлауына қатысып, дауыс берді, деп хабарлайды zakon.kz.

Қала әкімі өзінің азаматтық борышын орындап, Оқушылар сарайында орналасқан №377 сайлау учаскесінде дауыс берді.

Сайлау КВИ пандемиясы аясында өтіп жатыр, сондықтан біз сайлау учаскелерінде санитарлық-эпидемиологиялық қауіпсіздікті қамтамасыз ету бойынша шаралар қабылдадық. Қаланың әр тұрғынына өзінің сайлау құқығын орындай алуы үшін барлық жағдайлар жасалған, - деді Сағынтаев.

Журналистердің қойған сұрақтарына жауап бере отырып, Алматы әкімі ел Тәуелсіздігінің 30 жылдығы қарсаңында өткізілген сайлаудың маңыздылығына тоқталды.

Осы жылдар ішінде жүргізілген саясаттың арқасында Қазақстан жай ғана дүние жүзіне танылып қоймай, ол басқалар санасатын және құрметтейтін мемлекетке айналды. Сондықтан, біз бүгін еліміздің одан әрі дамуы мен нығаюы үшін, өсіп келе жатқан жас ұрпақтың тыныштығы мен бақытты болашағы үшін дауыс береміз, - деді әкім.