Сайлау учаскелерінен түсірілген онлайн-видеотрансляциялар заңсыз болып табылады!
zakon.kz
"Бейтарап және әділ сайлау туралы" Хартияның бастамашысы, қоғам қайраткері Айгүл Соловьева мен "Жастарға жол бер" қоғамдық қорының президенті Рафаэль Хасанов жалпы қалалық баспасөз орталығында өткен брифингте дауыс беру барысы туралы айтты, деп хабарлайды zakon.kz.
Сайлауды өткізу туралы айта отырып, А.Соловьева Хартияның бастамашысы ретінде ол халықаралық нормалардың сақталуына ерекше назар аударатынын атап өтті.
Бірінші айтқым келетіні - үміткерлерді тіркеу инклюзивті болды. Әзірге мендегі мәліметтерге сәйкес, сайлау учаскелерінде жұмыс тиімді ұйымдастырылған. Біз әлеуметтік желілерді бақылай отырып, қоғамдық талқы жүріп жатқанын көріп отырмыз. Біз көрген жалғыз нәрсе - кейбір сайлау учаскелерінің тікелей эфирде көрсетілуі, бұл ОСК шешіміне қайшы келеді. Біз оны ескертіп, жаздық. Сайлау учаскесінен стрим жасау, заңға сәйкес, бұл сайлау процесіне қысым жасау болып саналады. Процедуралық заң бұзушылықтар туралы айтуға әлі ерте. Біз оларды әлі байқамадық, - деді ол.
Сонымен қатар Рафаэль Хасанов та бақылаушыларды үшінші тараптың рұқсатынсыз түсіруі мен тікелей эфирде таратуын заңсыз деп санайтынын атап өтті.
- Рұқсатсыз тікелей эфирге түсіруге болмайды. Тікелей эфир авторларына біздің бақылаушылардың рұқсатынсыз жүргізілген тікелей эфирді тоқтатуды сұраймын. Егер қандай да бір заң бұзушылықтар болса, оны тіркей аласыз. Бізде сенім телефондарының нөмірі бар, сол жерге хабарласа аласыздар, біз оны өз есебімізде жазып, көрсетеміз, - деп атап өтті ол.
Сонымен бірге Хасанов "Жастарға жол бер" қоғамдық қорының мобильді тобы қаланың барлық сайлау учаскелерінде болып үлгергенін айтты. Сайлау учаскелерінен бақылаушылардың әлеуметтік арақашықтықты сақтамайтындығы туралы ақпарат келіп түскені де айтылды.
Осыған байланысты мен үкіметтік емес ұйымдардың бақылаушыларын өздерінің жауапкершіліктерін күшейтуге және әлеуметтік арақашықтықты сақтауға шақырғым келеді. Біз әлі де карантиндік шараларды сақтауымыз керек, - деп атап өтті Р.Хасанов.
Жалпы, осы сағатқа дейін "Жастарға жол бер" қоғамдық қорының сенім телефонына 48 қоңырау келіп түсті.
