Атыраулық азамат қызына Сайлау деген есім берді
Pixabay
Сәби 10 қаңтарда - сайлау күні шыр етіп дүниеге келді.
Атыраулық ата-ана жаңа туған қызына Сайлау деген есім берді, деп хабарлайды zakon.kz.
Сайлау күні таңертең Атырау облысында 12 бала дүниеге келді: 5 ұл және 7 қыз.
Дәрігерлердің айтуынша, жаңа туған аналар мен олардың сәбилерінің жағдайы жақсы. Жас аналардың бірі, Атырау облысының тұрғыны Шынар Төлеушова баласының дүниеге келу қуанышын ел өміріндегі осы ерекше оқиғамен байланыстыруды ұйғарыпты.
Біздің отбасымызда балаларға мағынасы бар арнайы есімдер беру әдетке айналған. Мысалы, біз үшінші қызымызға Құралай деп ат қойдық, өйткені ақсақалдар айтқандай, ол көктемгі табиғат құбылысы - "Құралайдың салқыны" кезінде дүниеге келді. Бұл кезде қатты жел тұрып, екі-үш күн бойы жаңбыр жауады. Бүгін біз, тіпті күмәнданған жоқпыз: сайлау күні дүниеге келген төртінші қызымызға осы маңызды датамен байланыстырып есім бердік, - деді жас ана "Каспий коммунасы" басылымына берген сұқбатында.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
