Түркия Президенті COVID-19-ға қарсы қытайлық екпені салдыртты

Онымен бірге билеуші ​​Әділет және даму партиясының мүшелері COVID-19-қа қарсы вакцина алды.

Түркия Президенті Режеп Тайып Ердоған күні кеше Анкарада қытайлық Sinovac Biotech компаниясының CoronaVac вакцинасын салдыртты.

Ол әлеуметтік желіде айтқанындай, онымен бірге билеуші ​​Әділет және даму партиясының мүшелері COVID-19-қа қарсы вакцина алды. Ол партия жетекшілері мен депутаттарды халыққа вакцинация туралы түсінік жұмыстарын жүргізіп, көпті екпе салдыруға шақыруға үндеді.

Түркиядағы 250 мыңнан астам медициналық қызметкер коронавирусқа қарсы вакцина салдыртты, - деді Президент. Вакцинация процесі сәтті өтті. Ол вакцинаның тиімділігіне қанағаттанушылық білдірді.

Түркия денсаулық сақтау министрлігінің сайтында жарияланған мәліметтерге сәйкес, өткен тәулікте Түркияда COVID-19 инфекциясының 8962 жаңа жағдайы, 170 - кісі өлімі тіркелді. Ал пандемия басталғалы бері Түркияда КВИ жұқтырушылардың жалпы саны 2 364 801 құрайды, кісі өлімі - 23 495, ковидтен емделіп жазылғандардың жалпы саны - 2 236 938.