Renault логотипін өзгертті

2024 жылға қарай брендтің барлық моделіне жаңа логотип қойылады.

Компания жаңа эмблеманы алғаш рет 2021 жылы қаңтарда "Ренолюция" деп аталатын тың стратегияның тұсаукесері кезінде көрсеткен. Оны Renault 5 электрлі концептісінен байқауға болады. Ал жақында жаңа белгі ресми жарияланды, деп хабарлайды zakon.kz kolesa.kz-ке сілтеме жасап.

Renault компаниясының дизайн бойынша директоры Жиль Видальдің айтуынша, логотип өзгерту жұмыстары 2019 жылы басталған.

"Біздің ромб — автомобиль әлеміндегі ең танымал белгілердің бірі. Ол бірегей геометриялық фигура. Біз оны жаңарту арқылы жаңа мағына мен заманауи құндылықтар қосуды көздедік", — деді Жиль Видаль.

Айта кетерлігі, жаңа логотип брендтің барлық моделіне бірден қойылмайды. Бұл жұмыс 2024 жылға дейін жалғасады.